Метревели, Роин Викторы фырт

Роин Викторы фырт Метревели
Роин Викторы фырт Метревели
	гуырдз. როინ მეტრეველი
Райгуырды датæ	1939-æм азы 7 декабры (85 азы)
Райгуырæны бынат	Абастумани[d], Адигены муниципалитет, Самцхе-Джавахет, Гуырдзыстоны ССР, Советон Цæдис;
Бæстæ	Советон Цæдис; Гуырдзыстон;
Зонады къабаз	истори
Куысты бынат	Тбилисы паддзахадон университет;
Альма-матер	Тбилисы паддзахадон университет (1962);
Ахуырадон къæпхæн	историон зонæдты доктор[d] (1974)
Хорзæхтæ æмæ премитæ	Золотой орден Святого Георгия[d]
	Викикъæбицы медиа

Роин Викторы фырт Метревели (гуырдз. როინ ვიქტორის ძე მეტრეველი, райгуырдис 1939-æм азы 7 декабры Абастуманы) у гуырдзиаг ахуыргонд, историк, Гуырдзыстоны зонæдты академийы академик. Тбилисы паддзахадон университеты ректор. Тбилисы кадджын æмбæстаг.

Цардафыст

1957-æм азы каст фæци астæуккаг скъола Кутаисы. Уыцы иу аз Тбилисы паддзахадон университеты историон факультетмæ бацыдис æмæ йæ каст фæци 1962-æм азы.

1965-æм азы бахъахъхъæдта кандидаты диссертаци XII æнусы Гуырдзыстоны тыххæй^[2]. Байдыдта ТПУ-ы лекцитæ кæсын. 1969-æм азы Роин Метревелийы равзæрстой Гуырдзыстоны историйы кафедрæйы сæргълæууæгæй.

Уыцы заман канд зонадон-педагогон куыст нæ кодта, фæлæ ма бирæ архайдта куыд æхсæнадон æмæ политикон кусæг. 1960-72 азты уыд Гуырдзыстоны фæскомцæдисы центрон комитеты секретарь, стæй та фыццаг секретарь. Гуырдзыстоны коммунистон партийы уыд организацион æмæ партион куысты хайады сæргълæууæг, уыцы партийы президиумы уæнгтæм кандидат.

1972-æм азæй уыд Гуырдзиаг советон энциклопедийы сæйраг редакторы хæдивæг.

1974-æм азы докторы диссертаци бахъахъхъæдта феодалон Гуырдзыстоны мидкъласон тохы тыххæй^[3]. 1986—1989 азты разамынд лæвæрдта А. С. Пушкины номыл Паддзахадон педагогон институтмæ. 1988-æм азæй бацыд Зонæдты академийы президиуммæ.

1991-æм азы 14 октябры Метревелийы снысан кодтой Тбилисы паддзахадон университеты ректорæй. Университетæн автономон статус ногæй куы фæзынд, уæд 1992-æм азы Метревелийы равзæрстой ректорæй, йæ дыккаг æмгъуыдмæ йæ равзæрстой 1997-æм азы. 2006-æм азы уый, университеты иннæ кусджытимæ, йæ куыстæй иппæрд æрцыд ног президент Саакашвилийы хъæппæрисæй^[4].

1993-æм азæй у Гуырдзыстоны зонæдты академийы архайæг уæнг.

Фиппаинæгтæ

↑ Чешская национальная авторитетная база данных
↑ Каталог РНБ
↑ Каталог РНБ
↑ Лали Морошкина: «В 2006 году он вышвырнул из университета профессуру, уволил ректора Роина Метревели»

[_f6472661866911d8-1] Чешская национальная авторитетная база данных

[2] Каталог РНБ

[3] Каталог РНБ

[4] Лали Морошкина: «В 2006 году он вышвырнул из университета профессуру, уволил ректора Роина Метревели»

[1]

[2]

[3]

[4]